國民會煲魚生粥夠細心

猪拉多纳

南美自由盃嚟到4強階段，巴拉圭國民會首回合主場對烏拉圭迪芬沙士砵亭。國民會之前兩圈主場都係小勝對手，加上近況麻麻，今仗未必會大舉搶攻。而迪芬沙士砵亭作客亦唔會冒進，今仗隨時係一場冇咩波入嘅賽事，阿King捧入球細。

（周三早上8時15分馬會網上文字直播）

巴拉圭國民會喺對上兩圈自由盃首回合主場出擊都只係一球小勝對手，可見就算主場出擊都唔會亂攻，佢哋近況其實麻麻，對上7場賽事只錄得3和4負嘅成績，上仗聯賽主場對瓜蘭尼竟被大炒2比6，今仗面對實力更強嘅迪芬沙士砵亭相信會更加穩陣。迪芬沙士砵亭對上3場自由盃作客賽事嘅總入球都係2球，可見球隊客場出戰打法保守。加上迪軍對上一次踢正規賽事已經係5月中嘅事，現時狀態未必最弗，阿King預期今仗入波唔會多，捧入球細。
薩普斯堡主場不敗捧上盤

另外挪超薩普斯堡今季主場未嘗一敗，面對作客呈「單跳」、贏波後翌仗例輸嘅阿里辛特，係時候再奏凱歌，捧上盤；至於巴西盃費古倫斯主場對巴拉干天奴，主隊首回合落後1比2，奈何球隊狀態平平，近五仗主場更全敗，捧讓球客勝。