勝利船火力猛大起飛腳

猪拉多纳

日職今日有三場直播賽事，先講神戶勝利船主場鬥大阪飛腳，大阪飛腳近期成績唔錯，不過佢哋對上六次正式比賽贏波都係喺主場，相反近五次作客卻錄得四場敗仗，主、客場表現差距甚大，今次作客未必可以保持近期強勢。神戶勝利船近期戰績雖冇季初咁Sharp醒，但近兩場對手都係「硬嘢」唔易應付，前鋒柏度祖尼亞、馬昆奴斯今季聯賽合共已入17球，係日職火力最強嘅前鋒組合，平手盤捧神戶勝利船，另外大盤亦可兼顧。

（有線62及202台周日晚6時直播）
櫻花態沉讓唔起砂岩

另外兩場直播，浦和紅鑽主場鬥鹿島鹿角，浦和紅鑽對上七場聯賽全部冇失波，亦係目前為止聯賽失波最少嘅球隊。鹿島鹿角今季作客表現比主場更出色，絕非冇還擊之力，高手過招預計入波唔會多，捧細盤。（有線61及201台周日下午5時直播）最後一場大阪櫻花主場鬥鳥棲砂岩，大阪櫻花今季成績大倒退，早前仲將前鋒主力柿谷曜一朗賣走，烏拉圭射手科蘭又唔爭氣，搞到球隊愈踢愈沉。鳥棲砂岩現時只落後榜首浦和紅鑽四分，絕對有權問鼎聯賽錦標，佢哋係今季作客成績最好嘅球隊，曾經贏過浦和紅鑽、橫濱水手、神戶勝利船等實力分子，今場有得受讓平半，下盤不容錯過。

（有線64及203台周日晚6時直播）