駕世鞍形勢可恃

不死鸟

馬季只餘下一個月左右便煞科，現時黃汝安依然還欠兩場頭馬才可達到馬會標準，而上周二牌照委員會更表明如安哥今季未符合資格，在未來任何一季中再未達標準，隨時可被不獲發練馬師牌照，因此今季對這位華人練者而言甚重要。今次快活谷夜賽，安?只出馬兩匹，包括「駕世鞍」和「精算拍檔」，不過戰馬貴精不貴多，大家唔好以為無機會，隨時有力為馬房建功。
昨早安哥甚緊張兩駒的踱步情況，仔細睇完這兩駒的操練後，他才收操離開，既然動態如此積極，擺明今次有出擊之意。今次列陣第五場的「駕世鞍」，早前一直跑田草賽事，而事實上此馬的性能跑谷草一定比田草更好，因此前時跑田賽似乎有減分之嫌，近兩仗馬匹終於肯返谷草出擊，可惜兩次都排在外檔起步，當然影響發揮，尤其上場牠跑谷草1650米，在直路更嚴重受阻，未有完全發揮之下就落敗，賽績不可作據。今次此駒再戰谷草一哩，排得有利的3檔起步，終於得到幸運之神眷顧，當然已是交代的時候，確實值得優先考慮。