巴迪闖迪營搶Ｗ

猪拉多纳

遇手下敗將翻尋味

歐聯今晚上演第三圈外圍賽首回合，匈牙利球隊迪比辛和白俄羅斯勁旅巴迪繼12至13球季後再次碰頭，當年巴迪作客曾經擊敗迪比辛，並將對手淘汰出局，今屆兩軍再次狹路相逢，波童相信踢法機動嘅巴迪仍然可在首回合搶得優勢，客勝有2.52倍值得捧場。（周三凌晨2時30分開賽）

巴迪係史上唯一一支打入歐聯分組賽嘅白俄羅斯球隊，佢哋最近一次入圍係12至13年球季，當年咁啱喺第三圈外圍賽就係遇上今場對手迪比辛，巴迪首回合主場同對手打和1比1，去到次回合作客大發神威，淨勝主隊兩球，結果兩回合計踢走迪比辛，成功殺入分組賽，之後仲係分組賽階段先後擊敗里爾、拜仁等歐聯常客，成為一時佳話。
迪比辛剛開咧狀態麻麻

同當年陣容相比，巴迪部分主力包括後衞保耶高夫、中場巴加、以及喺次回合有份建功嘅禾洛高依家仍然在陣中，戰鬥力未見有所削弱，呢隊波特點係踢法機動靈活，球員累積咗一定歐戰經驗，今場就算作客相信都可以反客為主。

主隊匈牙利迪比辛上圈面對水準唔高嘅北愛爾蘭球隊基福維利，都只係小勝兩球，喺上周末於本土首輪聯賽亦只能打和升班球隊尼爾哈薩，顯示球隊狀態麻麻，主場出擊都不宜高估，簡單捧個客Ｗ。