肯體會中門大開

猪拉多纳

防線穿窿難守費城聯

新一季歐洲波陸續重開，而喺北美洲嗰邊，除咗舉行緊熱身賽重頭戲國際冠軍盃之外，今季美職常規賽都踢咗一半有多，上季美職總冠軍肯薩斯體育會延續強勢，總排名依然排喺第一位，佢哋聽朝會喺主場迎戰費城聯，不過肯體會有三大後防猛將缺陣，防線天殘地缺，並唔係贏硬費城聯，捧大盤仲啱數！

（周六早上8時開賽，馬會網上文字直播）

肯體會上季守出一片天，憑住超強防守贏得總冠軍，今季佢哋梗係唔會改變呢條贏波程式，繼續以守為主，聯賽踢咗21場只係失咗19球。不過佢哋今場想守都有心無力，防線三主將齊缺陣：中堅馬特比斯拿坐波監、後衞施夫辛洛域有傷上陣成疑、防中奧隆姆被肯尼亞國家隊征召踢非洲國家盃外圍賽，教頭彼得華美斯被迫搵17歲小將彭馬布朗或右閘奇雲艾利斯頂上中堅位置，防守力肯定嚴重削弱，加上費城聯近五次同肯體會交手有四次開大，今場阿King一於再追入球大﹗
卡拉雷聯主W 帕丘卡客勝

另外，聽朝亦有一場智甲獨腳戲，卡拉雷聯主場對安圖法加斯達，安圖法加斯達有前鋒奧士文靴亞達倦勤，主勝值得一博。

（周六早上8時開賽）

最後講埋克雷塔羅主場對帕丘卡呢場墨超，帕丘卡有前鋒祖根達姆同守將馬高艾雲佩雷斯隨時候命，阿King今場捧客勝﹗

（周六早上8時30分開賽）