紅簿仔谷草一哩惡

猪拉多纳

　　「紅簿仔」因屬北半球自購馬，需時適應環境，所以前季初來港跑過兩仗均無表現，加上角逐之1000米路程亦嫌短，因此賽績絕對不可作準。

　　「紅簿仔」踏入上季大有進步，熱身三仗後突如其來在一場谷草1650米追入一席第二，當時乃24倍冷門，顯然非得意之作，亦反映表現遠超出幕後預期。再出繼續跑此程得第三，表面睇名次退步，但實際所負距離已收窄，而締速亦較上場為佳，按理再跑谷草一哩應好大機會贏馬補中，但偏偏其後三場卻轉戰田草，場地有疑問兼對手增強下，會有一定難度，果然跑落平平，最叻只有一場得第四。兜兜轉轉最終返回谷草一哩，結果不但打勝出之餘，就算升上三班照贏可也，足證此程係最強。

　　雖然今季此駒評74分新高起步，但以其贏馬的姿態來看，肯定仍有上升空間，繼續專攻強項谷草一哩，絕對有力贏上二班。