艾斯賓路拿主場大反擊

猪拉多纳

南美洲國家畀人嘅印象治安好差，如果大家真係想感受一下南美風情，智利會係一個唔錯嘅選擇，呢個「銅之王國」係南美最繁榮穩定嘅國家之一，社會治安較為穩定，生活質素亦較高。
卡拉雷聯箭頭着火

智利首都城市聖地亞哥除咗有壯闊嘅山脈美景，更係好多甲組球隊嘅所在地，包括智甲「Big 3」智利大學、天主教大學同高路高路，以及聽朝喺主場迎戰卡拉雷聯嘅艾斯賓路拿。

當地風景有機會再去體驗，科娜都係講番場波先，主隊艾斯賓路拿早排簽入阿根廷前鋒雷蒙蘭天尼，佢上場後備上陣雖然未能幫艾斯賓路拿扳平，但表現不俗，至於進攻中場基斯甸查維斯狀態回勇，今場有望擔正，誓要幫上場作客不敵聖馬高斯嘅艾斯賓路拿重上勝軌。不過卡拉雷聯亦唔係泛泛之輩，前鋒賓尼加斯腳風好順，助球隊連續兩場取得大勝，今場捧大仲好﹗

（周六早上8時開賽）