紅鑽唔敢攻平手捧前鋒

猪拉多纳

川崎前鋒、浦和紅鑽兩大日職豪門，向來以攻擊力稱著，但係兩隊今日响等等力球場對戰，未必如大家所願開出入球大，事關兩邊嘅前鋒主力都有些少唔妥，簡單啲博平手盤個1.85倍川崎主勝算喇。

（有線61及201周六晚6:00直播）

今日趁勢推出新造型吉祥物，仲準備搞命名活動嘅川崎，過去主場14戰浦和得5勝3和6敗，冇乜優勢可言，而且最弊係射手大久保嘉人唔知搞乜，呢排身體唔舒服冇操3日，前日復操仲要驗血Check吓有乜唔妥，初步消息懷疑佢係過勞，今場波話唔定要靠晒小林悠搵食。
大久保過勞冇操3日

對家浦和件前鋒興梠慎三隻左腳都有事，尋日連分隊練習賽都踢唔到，今季注重咗防守嘅浦和，可能用李忠成打單箭頭，調關口訓充踢右中場，咁嘅變動雖然冇削弱整體戰力，但係就唔慌敢放手進攻，開大嘅機會肯定細過以前，倒不如博吓個川崎平手勝，至少佢哋响4月作客浦和都贏過對手1:0，今季嘅主場勝率又有56個巴仙，平手盤坐和望贏呀。