歡騰匆出爭連捷

不死鸟

四班1650米，「歡騰」轉投東?後初出1400米跑第5，上次轉跑同程即順利開齋，看馬匹全程自制步速，末段只係保持本身速度已將對手拋離，4歲馬季內真正拚搏唔多，今次相隔7日再上陣，相信體力可以應付，「歡騰」系今季整體成績一般，相信練者必定識做，替幕後盡力再爭取頭馬而回。「好德煌」上次贏1200米大把在手，「真叻仔」同父馬增程問題不大。「愛睦善」輕磅有利，「心歡笑」多跑上力，都可視作配腳看待。
五班1650米，「我跑得」4歲馬目前只得16分，尚差4分下季才可保留，論馬質素雖然唔高但不致於淘汰；近仗一再排外檔起步，沿途居後按兵不動，今次初次渡江上陣，只要用回前跟跑法，肯定有不同效果，半冷門值得一試。「奧馬精神」近仗走勢山雨欲來，暗牌馬試準隨時可一網打盡。「好機緣」班利路合，「期股雙鐺」操好而來都可作配。