聖羅倫素「和主」捧盃好路

猪拉多纳

聽朝南美自由盃上演終極戰，阿根廷聖羅倫素喺決賽次回合主場對巴拉圭國民會。雙方首回合打和1:1，即係話邊隊贏波即捧盃，相信兩軍都唔敢輕舉妄動。不過聖羅倫素備戰工夫做到足，加埋主場之利可秤先，嫌1.3倍主勝冇肉食，不妨考慮3.4倍半全場「和主」。（開賽時間：周四早上8:15）
?門將臨別秋波 爭冠軍送球迷

國民會首回合畀對方莫路麥圖斯先開紀錄，幾經辛苦下臨完場前扳平1:1。由於決賽唔計作客入球優惠，國民會總算唔使陷入被動，但連喺自己地頭都贏唔到，今仗作客邊敢搶攻，隨時「擺大巴」等射12碼。

相反聖羅倫素為咗高舉球會首個自由盃冠軍，全隊做足百二分準備。佢哋喺今屆賽事主場只失過1球，防線堅穩陣，而且門將基斯甸艾華利斯踢埋呢場就轉投華歷簡奴，臨別秋波梗係送個冠軍畀球迷啦！雖然中場皮亞迪唔踢得，不過教練巴古沙胸有成竹，話準備好兩三個破敵方案。據講聖軍有意打多個前鋒卡奧達奧斯奧強攻對手，又喺賽前閉門苦練新戰術，睇得出佢哋勁認真。就算國民會刻意死守，至多咪頂到半場。
首回合：聖客和1:1

自由盃決賽賽制

採主客兩回合制，今輪為決賽次回合。兩回合計打和，不計算作客入球優惠，將於今場法定時間後加時30分鐘，再和則互射12碼決勝。