飛腳鯨魚鬥入波

猪拉多纳

日職今日上演「超攻擊大戰」，大阪飛腳喺主場對名古屋鯨魚，入球大最抵玩。飛腳喺射手宇佐美貴史傷愈後，簡直贏到開巷，撞啱鯨魚有澳洲中鋒約舒亞堅尼地好番，兼且有新潟天鵝射手川又堅碁加盟，教頭西野朗倒戈擺明會對攻，今場好易開入球騷。

飛腳喺世盃休戰期後聯賽5戰全勝，踢過拜仁嘅宇佐美貴史，返到日職簡直好似來自另一個星球，入波易過借火。另一方面，鯨魚今季衰到要護級，所以搵嚟川又堅碁幫手入波，佢哋嘅教頭西野朗，曾經帶領飛腳奪得亞冠盃冠軍，倒戈實唔想衰，玩大佢！