阿仙奴勒住唔衝難破水晶宮

猪拉多纳

新一季英超今晚開鑼，「張峰」喺度先祝大家戰無不勝、出擊得心應手！阿仙奴今晚主場出擊迎戰水晶宮，今夏「兵工廠」喺轉會市場一反常態，簽入阿歷斯山齊士、迪保治同哥林張伯斯等球星，領隊雲格揚言仲會有新球員加盟，確實令「廠迷」期待萬分！不過，阿仙奴今仗陣容並不完整，奧斯爾等三位德國兵肯定缺陣，水晶宮賽前突然易帥，球員要上位肯定搏命，阿仙奴勢難大炒，3.9倍讓球客勝有力頂得住。

（now621台周日凌晨00:30直播）

阿仙奴上周喺社區盾先聲奪人，憑住辛迪卡索拉、艾朗藍斯同基奧特各入一粒，以3:0氣走上屆聯賽盟主曼城，由賽事所見，「兵工廠」眾將狀態確實比曼城好，贏波絕對唔令人意外。不過今年係世界盃年，以「張峰」嘅經驗，強隊喺季初都會受到一定影響，加上3日後阿仙奴要喺歐聯外圍賽作客土耳其球隊比錫達斯，領隊雲格一向精打細算，權衡輕重之下，今仗一定有所保留，未必去到咁盡，就算贏都唔荒多波入。
佩尼斯賽前劈炮

水晶宮今仗開波前爆出重大新聞，佩尼斯同球會高層鬧不和，尋日突然宣布辭職，未開咧就成為今季英超第1個下台領隊，認真估佢唔到！今場由助教基夫米倫帶隊，相信球隊上季尾建立嘅防守能力應該唔會有太大影響，而且球員為令新帥留好印象，肯定會加多兩錢肉緊，加埋前線保留查馬克、謝路美同賓捷安等主力，絕對有力喺「兵工廠」身上取得入球，水晶宮嘅3.9倍讓球客勝信得過！
Data King：近3次對賽半場唔識入波

‧雙方近4次交手，3次開出半場波膽0:0。

‧阿仙奴近4次主場鬥水晶宮，3次開出入球細。

‧阿仙奴連續18場英超主場不敗。