奧希哥比演入球騷

猪拉多纳

智甲開咧後，奧希金斯可謂大盤客恩物，巴奧里奧利爾同路爾斯華倫素拿等中前場球員入得之餘，防線亦相當失得，踢4場聯賽就製造16粒入波（入8球，失8球），每場平均有4球。佢哋聽朝主場迎擊哥比路亞，進攻中場路易斯費古路亞坐完波監復出派牌，火力夠晒保證，等睇入球騷睇啦！
哥比路亞防線多甩漏

再者哥比路亞自開鑼戰贏波後變身「黃大仙」，成條防線有求必應，聯賽錄得3連敗，夾埋勁失9球，其中上場作客鬥天主教大學更被5度攻破大門，後衞艾歷奧馬達今場仲要停賽，中門大開下，睇怕又要大敗一場，咁嘅情況梗係捧1.78倍入球大。