聖伊天讓得起蘭斯

猪拉多纳

非洲兵博跳槽騷哥利

今晚英超得兩場賽事，不妨留意法甲聯賽！中東、俄羅斯資金近年進軍法國球壇，造就新豪門巴黎聖日耳門、摩納哥崛起，引入大量球星，帶動聯賽水準上升，愈來愈受莊家及投X者重視。除咗兩大富豪球會之外，里爾、聖伊天、馬賽、里昂亦具備一定競爭力，可觀性不俗。聖伊天近兩季進步神速，踢法實而不華，屬於追捧目標，主場讓得起蘭斯球半。

（TVB 301周日晚11時直播）

聖伊天過去兩季分別獲得聯賽第四及第五名，對於一支中小型球隊而言，算係了不起。球隊冇星級猛將助陣，但勝在夠鬥心，尤其係一班非洲兵想借聖伊天為踏腳石，使出渾身解數，爭取加盟大球會機會，享受高薪厚酬，普遍莊家為今仗開出聖伊天讓一球、球半，似乎對佢哋今場勝算相當樂觀。事實上，聖伊天對手蘭斯只屬中下游級數，雖然首仗打和巴黎聖日耳門，但似有幸運成分，今仗仍然被睇低一線，應會打回原形。
曼城作客惡唔出樣

英超方面，上季冠軍曼城雷聲大、雨點小，而且防線多傷兵，搞到社區盾吞阿仙奴三蛋，情況令人憂慮。而且球迷要留意曼城一向作客成績麻麻，今輪作客讓紐卡素半一，上盤制唔過，寧博主隊下盤。另外，利物浦近年踢法已趨向主攻，但防線演出畀唔到人信心，主場對修咸頓，捧大盤為佳。
肥叔心水

利物浦大

紐卡素下盤

聖伊天上盤