SC巴斯隆拿炒起利馬聯

猪拉多纳

A級山寨貨踢出名牌味道

今晚好多歐霸盃賽事，有熱刺、侯城、維拉利爾、里昂呢啲頗有名氣嘅球隊出場，不過呢啲球隊成日都有得睇仲非常吸飛，喺投X立場唔算吸引，所以阿King今次選擇推介冇乜人留意嘅南美球會盃畀大家，比起歐霸盃仲好路呀，尤以厄瓜多爾球隊SC巴斯隆拿主場迎戰秘魯球隊利馬聯最值得大家落注，SC巴斯隆拿主場戰績強勁，遇着作客蟲利馬聯，讓球主勝竟然仲有2.15倍，梗係要捧啦！

（周五早上6時30分開賽）

講起SC巴斯隆拿，大家係咪不期然會諗起西班牙班霸巴塞隆拿呢？其實兩間球會真係有啲關係，SC巴斯隆拿嘅隊名英文串法唔單止同巴塞一樣係Barcelona，連個隊徽都似到十足十，簡直就係山寨版巴塞！原來SC巴斯隆拿喺1925年由一位西班牙移民創立，呢位創會人嘅家鄉正正係巴塞隆拿，所以無論隊名定隊徽都抄足正版巴塞。而且同「地上最強」一樣，SC巴斯隆拿喺國內都屬於班霸分子，係厄瓜多爾最成功嘅球隊，贏過十四次厄甲冠軍，更係首支厄瓜多爾球隊贏得南美自由盃冠軍。呢支山寨版巴塞咁犀利，近五作客錄得四負嘅利馬聯又點會係佢嘅對手呢，一於捧讓球主勝啦！
圖積蘭奴斯和味濃

再講多兩場南球盃賽事，來自委內瑞拉嘅圖積蘭奴斯主場對另一厄瓜多爾隊伍迪華利獨立隊，兩軍狀態都唔錯，阿King認為今仗雙方難分高下，和波機會相當高，賠率算吸引值得一敲。最後係智利嘅天主教大學將主場對烏拉圭老牌球會蒙特維多河床，主隊實力秤先，主勝放心捧場。