多蒙特 利華演駁火入球騷

猪拉多纳

齊掃貨買入多台大炮

德甲一開鑼就有矚目賽事，上季亞軍多蒙特首場聯賽就要喺主場對「阿四」利華古遜，對雙方嚟講呢個安排都幾「惡啃」吓！兩隊都係出名進攻火力強勁，仲使考慮？幾大都要1.48倍入球大啦！尤其係「蜜蜂兵團」有王牌球星馬高列奧斯復出，利華今夏又買入幾支大炮，擺明要搶「士哥」，呢個「大」包冇甩拖！

（有線61、64、201及203、中央5台周日凌晨0:30直播）

羅拔利雲度夫斯基今季唔再做「蜜蜂」，轉為過檔拜仁做「巴伐利亞人」，多蒙特球會同球迷都慣咗「主力走人」o架嘞，無所謂啦，最重要係教練高普每次都可以調教番一個強勁嘅陣容出嚟啫！呢位「瘋狂教頭」今夏簽入恩莫比尼、阿祖安拉莫斯同池東沅3個前鋒，雖然卡士或者唔及「羅拔仔」，但每個都有唔錯嘅個人能力o架！
列奧斯講明留隊振軍心

事實上喺「德超盃」嗰場，多蒙特依然踢出佢哋高效率、高機動性同高技術嘅踢法，仲要贏埋拜仁捧盃，就更令班人信心提升。奧巴美揚同米希達利恩、哥斯基奧斯等舊將都有頂級實力，最緊要係靈魂人物馬高列奧斯已經喺上場德盃復出，呢位歐洲新天王仲講明今季肯定留隊，有佢呢位進攻中場壓陣，多蒙特鋒力可以有最佳保證啦！

當然，作客嘅利華都唔係善男信女，傑斯寧同南韓前鋒孫興民經過一季磨合後愈踢愈好，周中喺歐聯附加賽仲齊齊有波入！仲有呀，今夏利華簽入咗瑞士射手祖斯比迪米斯同土耳其中場查漢奴古，火力肯定比上季有過之而無不及，今場有力同多蒙特鬥攻搶「士哥」，入球肯定唔會少！
頂占筍盤：多蒙特（入球大）

多蒙特上季開大數據

62場46次開大，佔比率74%