鯨魚猛火「大」開殺戒

猪拉多纳

各位日職粉絲，準備好迎接「大」騷啦！名古屋鯨魚今晚喺主場對柏雷素爾，吼實1.7倍入球大穩陣。最近鯨魚射手約舒亞堅尼地已經傷愈復出，又簽埋新潟天鵝前鋒川又堅碁幫手，再加上前鋒玉田圭司翻生喺日皇盃省兩粒，前線勁多進攻武器，使乜驚冇波入？

現時鯨魚嘅傷兵，絕大部分都係副選，日前佢哋喺日皇盃以4:0砌低京都不死鳥，收埋晒啲主力都夠贏，難得正選上陣嘅玉田圭司更加連入兩球，證明鯨魚陣中嘅前鋒，好恨入波爭位踢，加上中場李安度杜明基斯熟晒柏雷素爾路數，有佢倒戈帶住，開入球騷容乜易吖！