斯巴達質高贏波有「法」

猪拉多纳

今晚俄超早場由烏法對莫斯科斯巴達，唔使諗梗博2.2倍「讓客」，事關俄超球隊實力差距太大，烏法即使轉去彼爾姆個茲維達球場打波求好運，睇嚟都係死路一條。

斯巴達雖然開季做唔到全勝，過去4戰得3勝1負，但係大家要注意嘅係，佢哋4場波全部都要作客，唔係想像中咁易踢，而且前鋒迪斯奧巴、法根度哥斯達都養傷，幾乎場場讓半臂，咁嘅環境都係咁開W，勝率有成75個巴仙，證明班波夠晒質素，就算有守衞柏斯夫約克坐波監都冇乜好驚。

而且今日呢場斯巴達贏波嘅話，仲係佢哋歷史上第155場客勝添，點會唔搏吖！

對家烏法開季對強隊辛尼特、莫斯科戴拿模全部輸波，實力屬於有限公司，今晚專登改用俗稱「星」嘅新主場希望轉運，恐怕都得個諗字。