智甲雙「斯」鬥多波入

猪拉多纳

上星期同讀者分享過，奧希金斯係大盤客恩物，佢哋上輪智甲鬥哥比路亞，喺箭頭奧達維奧利華路梅開二度下，最後埋單大勝對手4:1，順利開出入球大。今晚聯賽作客紐柏萊斯，唔使諗咁多，一於再追1.72倍入球大。

紐柏萊斯同奧希金斯似足「兄弟」，因為同樣入得失得，佢哋喺開鑼戰鬥侯治柏度淨吞3蛋開大，跟住4場聯賽無論勝和負，每場最少有3粒交收，5場除開每場平均製造3.6個入球，今輪同場均有4.2球嘅奧希金斯對壘，擔定櫈仔等睇入球騷啦！