萬能駒試準出頭

不死鸟

今日沙田編有3泥7草共10場賽事，睇過各場賽事參戰馬，實力頗平均，估計必有激烈場面出現，兩大炙手可熱好手韋達、柏寶缺陣，記得之前此兩位好手缺陣，華籍小將共贏出8場頭馬，相信今日賽事又係華籍小將贏馬機會高，尤其當紅炸子雞蔡明紹，此子今日出足10場，而且不乏實力份子，估計必有頭馬交出，坐二望三場一?唔出奇，此子值得追捧。今次賽事加?兩位新面孔，一位係來自美國的郭爾達，另一位來自澳洲柏威廉，此兩位好手在當地均交出不俗成績，尤其美國的郭爾達更標青，勝出逾3,000場頭馬，更剛�裨诙虐莶唑T「裝備齊全」勇奪杜拜世界盃（一級賽），以其功架應該在港會受練者及馬主歡迎。今日賽事睇好兩匹華籍小將座騎，對其贏馬甚有信心，現推介給馬友參考。
第六場三班1650米（泥地）。「萬能駒」雖然至今未交出頭馬，只得兩亞一季成績，但馬匹經過連場實戰後，勇熟均比之前有大幅進步，上仗在谷草1650米得第三，走勢及力度增強可印證，此駒之前取得兩次亞軍在田泥1200米，當時憑新鮮感於路短下取得，但此駒同系馬「包裝大師」及「貝利高」均係中距離材，由此反映牠亦是匹中距離材。剛戰在谷草1650米拚得第三已試準，今次轉戰泥地1650米必適合，升上三班轉用梁家俊，實際只負111磅，藉輕磅、態勇路合有利條件，力足打開勝利之門。
第九場三班1400米（草地）。「締造美麗」上仗在港首戰，初出爭田草1200米，臨場票如雨下，飛到馬到贏來信心十足，顯見幕後自視甚高，睇回該仗贏馬表現，如非實力高強幾難做到，該役出閘後大半程居後，入到直路最後200米仍被困守內欄，在無位出兼劣勢下，到最後100米，竟然在一個無可能的位置，突然有個空位比其穿插而上，以勁勢反撲前贏馬，加速力強勁令人咋舌。勝後勇熟更進，今次增程跑1400米對其更合發揮，實力高強當銳勇馬，再下一城無難度。