卡利主場靠嚇撐得過

猪拉多纳

哥倫比亞喺今夏巴西世界盃表現出色，「J神」占士洛迪古斯更成為新一代萬人迷，不過培育出「J神」嘅哥倫比亞球隊恩維加多喺國內並唔係傳統勁旅，同將喺南美球會盃第1圈次回合出場嘅卡利相比，地位相差甚遠。卡利聽朝會喺主場迎戰秘魯球隊卡查馬卡大學，雙方首回合打成0比0，卡利今次返到主場會全力爭出線，讓球主勝值得捧場。

（周五早上9時開賽，馬會網上文字直播）

卡利係哥倫比亞最成功嘅球會之一，曾攞過8次哥超冠軍，卡查馬卡大學雖然喺首回合好似好威咁能夠同卡利打和，不過今場作客就唔同講法，卡利嘅主場係哥國最大嘅足球場，能夠容納5萬5千人，今場南球盃有咁多球迷撐場，卡查馬卡大學嚟到都嚇到腳仔軟呀﹗卡利攻守兼備，進攻鐵三角沙治奧靴里拉、卡路士李華士及卡路士李沙拉素今場均有望落場搏殺，而且球隊防守又強，近五場一共只係失咗一球，反觀卡查馬卡大學就有中場查高達拿上戰成疑，讓球主勝有買趁早﹗
聖保羅客勝有揸拿

阿King再講多兩場南球盃，富明尼斯主場迎戰戈亞斯，戈亞斯狀態頹爆，近五場全敗之餘更只係入得兩球，今場熱捧主勝﹗最後基斯奧馬主場對聖保羅，主隊前中後都有主力缺陣，呢場捧客勝﹗