曼城弗爆「-2」繼續追

猪拉多纳

曼城雖然國腳如雲，但並未受到世盃影響，開季至今演出對辦。睇番佢哋上季主場不乏大屠殺場面，今晚主場迎戰史篤城隨時嚟料，就算讓2球照追2.3倍「讓主」。

（now621台周六晚10:00直播）

「藍月亮」上輪主場以3:1砌低利物浦，睇到班球員狀態十足，前鋒祖維迪經一季適應後終於融入球隊，王牌射手阿古路亦連續兩仗後備上陣建功，一眾鋒將咁Fit，試問對手邊守得住？

史篤城開季取得1和1負表現麻麻，佢哋喺領隊曉士帶領下放棄高Q大棍踢法，但今晚撞正同樣踢控傳足球、兼且級數高自己幾班嘅曼城，仲邊有得鬥吖！