高路高路箭頭着火有保證

猪拉多纳

周六智甲春頭場戲碼，由高路高路迎戰安圖法加斯達，1.8倍「讓主」咪錯過。「二哥」高路高路今季主場僅輸過畀同屬前列嘅奧希金斯，另外兩場都能夠淨贏對手兩球，而且箭頭艾斯迪賓柏利迪斯着晒火，開咧至今6場聯賽就有6球斬獲，其中喺主場出戰更例牌搵到食，簡直係入波保證。
安圖法加斯達作客3連敗

另邊廂，火力弱絕智甲嘅安圖法加斯達，上輪主場面對「極品魚腩」伊基克，終於把握機會打開聯賽勝門，弊在佢哋作客勁唔掂，至今錄得3連敗，完全冇還擊之力，唯一入球更係靠12碼，今場造訪入波如麻嘅高路高路，最少都輸兩球啦。