急流作客腳軟中門「大」開

猪拉多纳

今季美職西岸競爭激烈，到依家仲有4支球隊可以問鼎一哥地位，點到榜首嘅海灣者唔緊張。佢哋聽朝會喺主場鬥急流，一於捧1.6倍入球大。

海灣者上場回勇作客波特蘭伐木者贏4:2，最開心除咗連續3場「士哥」嘅射手查特巴列特外，就係已經復出咗一排嘅馬田斯，呢位前鋒唔單止成功打破入球荒，仲一嚟就起孖，呢對箭頭明顯撻着晒，今仗返番自己地頭仲使驚佢哋冇波入？

對手急流連續9場作客不勝，當中6場至少被對手3次破門，簡直係大盤客恩物。好在最近火力有起色，近3仗轟入6球，今仗作客海灣者絕對係駁火格。