格雷熱W有本有「利」

猪拉多纳

格雷特霍夫上場德乙雖然輸咗畀恩高斯達特，不過佢哋今晚返主場迎戰聖保利，呢班波喺地頭演出特佳，上季就係靠地利先攞到升班附加賽參賽資格，今戰主W就算得1.53倍都要熱捧！（開賽時間：周二凌晨2:15）

格雷特霍夫上季主場17戰搶到33分，僅次今季升上德甲嘅科隆同柏達邦，係佢哋攞到德乙季軍嘅主要原因。雖則喺上周作客以0:2輸畀恩高斯達特，不過今場佢哋應該會出番上場休戰嘅中場新兵卡利古利，而且由史特加以外借身份加盟嘅新西蘭國腳馬高洛查士，佢祖家因為唔想呢位國腳長途跋涉飛嚟飛去太勞累，所以喺最近一次點兵冇選佢入伍，呢位進攻中場今場可以放心搏殺，大大增加格雷贏波反彈嘅本錢，1.53倍主勝咪嫌熱！