鵬力洋洋穩拔頭籌

不死鸟

今日驟看只有一場新馬賽，實際仲有場新馬短途錦標，後者9駒上陣有8隻贏過，除?「加州滿意」、「虎虎生輝」、「金堡龍華」及「百利高」，仲有「相見歡」、「星火燎原」、「賞惑」及「喜盛龍」，即使未贏?「傾力之城」都唔似善男信女，咁平均你賭埋我份，煞科在即冇仇報，搵?暑費重於一切，求穩陣寧願再信料賭「鵬力洋洋」，1400米話明冇對手咁大口氣，唔要晒都要信一半！

記得上月初五一勞動節，畀料人已實牙實齒叫買「鵬力洋洋」，係就係好有信心，後追一段亦相當悅目，但只接近而冇派彩，上回1200舊事重提，講真高見唔敢同大家再介紹，點睇都明顯路短，跑第3位置派30蚊，冇買損失唔算好大，反而強調今次加程可以?晒咁巴閉，綜合消息好有信心叫買，加上肉眼所見，覺得應該信得過。因為「鵬力洋洋」一連兩戰都要入直路擺正?先識衝，上賽後再作重點培訓，好明顯矛頭指向此賽；半同主馬「樂意洋洋」一早已停操，因為大告做足工夫等「鵬力洋洋」出場接力，今場睇通晒質態都高過對手，消息話可以放心賭Win，馬偉昌再接再厲，希望戰果一如所料啦！

錫山有質博半冷

馬會上季將久違了的配售馬制度重新出土，但引入?馬暫時為止認真麻麻，除?「天寶之威」贏過一場咁大把，其餘冇表現者眾，未跑已退役亦唔少，但高見今日偏向虎山行，彈隻「錫山」畀大家博�欣洌�但聲明絕非大力推介，買少少好喇，畀料人話此馬有質，但來港前完全冇做過?，教到依家開始漸成氣候，對手稍有差池，就有機會出冷?啦。

陽光形勢反客為主

講開呂健威?馬，除「錫山」仲有隻「陽光」都話搏殺，呢匹馬好就好，但始終唔係頂尖材料，對住「蓮華生輝」或「創惑」甚至低半級?馬，「陽光」都好難發圍。
此駒千辛萬苦終於等到今場掛頭牌，即係實力稍次一皮，特登搵梁家俊減7磅，目的就係想食尾胡，消息指出上回沙田1200米輸場地太爛，今仗只要場地唔太差，就有得偷襲。