撐丹麥復仇阿美尼亞

猪拉多纳

歐國外I組丹麥主場迎戰阿美尼亞，兩軍繼2014世界盃外圍賽分組賽後再一次同組，丹麥去年喺主場以0比4慘負阿美尼亞腳下，今仗再遇自然希想一雪前恥；而阿美尼亞近5仗輸足4場，而且每場起碼失兩球，今仗作客冇運行，一於捧丹麥復仇成功。

（有線64及203台周一凌晨零時直播）

丹麥同阿美尼亞剛喺2014世界盃外圍賽分組賽同組，阿美尼亞當時作客哥本哈根竟大勝4比0，令球迷非常震驚。未能出線世界盃決賽周嘅丹麥，上仗熱身賽雖不敵土耳其但表現唔錯，只係喺換走大部分主力後才被對手反勝，今仗續有門將卡斯柏舒米高、後衞丹尼爾艾格、中場基斯甸艾歷臣及前鋒賓特拿在陣，有力全取3分。
近況曳爆 攻守都唔掂

阿美尼亞陣中只有門將比尼素斯基及中場米希達利恩較具名氣，且球隊近期戰績認真麻麻，近5仗熱身賽錄得1勝4負，每場至少失兩粒，防守明顯有問題。阿軍上仗面對歐洲3線嘅拉脫維亞都要吞對手雙蛋，即係就連攻擊力都唔係咁掂，如此曳爆狀態作客實力更強兼矢志復仇嘅丹麥，相信唔會有運行，阿謙今仗捧丹麥主W。