高士路主場夠鑊氣

猪拉多纳

今日原本四場南美波，仲要頭場取消埋，剩番三場玩過關啦，三場揀晒主場嗰隊。最勁梗係高士路啦，主場九連勝，對住魚腩梗係數番場，讓球主勝必揀。

（周五早上7時30分開賽）
巴希亞殘陣聽炒

高士路挾主場九連勝氣勢喺巴甲再度出場，對住排尾三嘅巴希亞，贏波肯定係easy job，球隊首席射手馬些路摩連奴當弗，近七場取得五個士哥，加上對手有進攻中場連干受傷，原本薄弱嘅攻力進一步削減，睇怕高士路起碼輸兩粒，阿King當然揀較好分嘅讓球主勝。

另一場巴甲於較早時間上演，由哥連泰斯主場對排名第七嘅明尼路，後者有四名球員成為十字軍，今仗要倦勤，對大軍部署有顯著影響，而且射手迪亞高泰達利被巴西國家隊徵召，無法候命，今場睇嚟都好難抵抗哥連泰斯攻勢，哥連泰斯主W咪走寶。

最後睇埋南球盃SC巴斯隆拿主場對利伯泰迪，SC巴斯隆拿擁有厄瓜多爾球隊嘅傳統，就係主場數據非常強，近十戰八勝二和，今場只係小讓巴拉圭嘅利伯泰迪平半，半個博一個，捧上盤有着數。