巴塞讓得辣捧對家

猪拉多纳

見好即收玩謝走地客

肥叔成日都話畀波嘅嘢，一定要向廣大讀者交代，貴精不貴多，唔好嘅唔會夾硬貼累人，例如上周中歐霸分組賽，呢項盃賽獎金相比歐聯差幾條街，被各支降格參賽豪門視為雞肋，戰意不明又讓得多，極為難估，好似實力勝一籌嘅熱刺、比錫達斯、燕豪芬等，唔係和波就贏得一粒咁大把，跣到上盤客癱癱腰。至於其他來自東歐嘅「不明物體」，肥叔自問唔多熟，實在揀唔落手，試問又點會推介畀大家呢？況且依家只係分組賽階段，肥叔寧願印印腳睇波算喇，去到淘汰賽先再研究。

言歸正傳，「地上最強」巴塞隆拿今季喺新帥安歷基帶領下致力改善防守，頭四場正式比賽未失一球，對於佢哋嚟講非常罕見。不過針無兩頭利，巴塞眾將花更多精力做好防守，變相令進攻冇以前咁銳利，佢哋上周中歐聯主場對尼科西亞，初盤讓到三球甚至三球半咁多，殺聲震天，就算臨開波前知道派出幾名新仔，亦要讓到兩球半，點知班波早開紀錄後即刻收韁，令臨場狂追上盤及大盤嘅散戶一殼眼淚。
或留力周中快車

貴為名牌球隊，巴塞於今晚西甲作客「小蝙蝠」利雲特，初盤讓到兩球甚至兩球半，實在過晒火位，一來巴塞依家務實至上、唔係昔日嗰支閒閒哋數人四、五粒嘅球隊，二來嚟緊周中聯賽要開快車，讓得太多慎防贏波輸盤，一於撐下盤。（now 632周一凌晨3時直播）
肥叔心水

李斯特城細

西布朗下盤

曼城上盤

烏甸尼斯下盤

利雲特下盤

里昂下盤