「法哥」勁入波 車仔唔驚曼城

猪拉多纳

有「法」「哥」，冇甩拖！莫連奴上季重返英超，只能夠率領車路士拎個聯賽第3，仲成日畀人鬧佢哋用「大巴戰術」，踢緊七、八十年代嘅足球，悶到死！不過今季「寸王」搵咗西班牙孖寶兄弟「法」、「哥」返嚟之後，成架「戰車」即刻改頭換面，開季至今4戰全勝兼場場淨勝至少兩粒，就算今晚造訪衞冕嘅曼城都冇有怕，「藍戰士」受讓平半，1.81倍下盤值博！

上季英超最令人聞風喪膽嘅攻擊組合係「SAS」，但隨住蘇亞雷斯過檔巴塞隆拿後，今季就輪到法比加斯同迪亞高哥斯達組成嘅「西班牙孖寶兄弟」威晒！西班牙國腳法比加斯喺4場聯賽交出6次助攻，拍檔迪亞高哥斯達就仲癲，4場英超喪入7粒，係英超有史以嚟首位可以喺開季頭4仗場場有士哥嘅球員。助攻王加埋入球王，邊有得輸吖！
助攻王 + 入波王 英超最強拍檔

迪亞高哥斯達上季尾嘅跟腱傷患到家陣仲未好番，領隊莫連奴話「迪哥」暫時唔可以「一周雙賽」，所以周中歐聯鬥史浩克場波特登收起呢位西班牙射手，再事先張揚唔會喺周中鬥保頓場聯賽盃派佢落場，即係擺明將焦點放喺今晚鬥曼城場大戰，靠「迪哥」搏殺！
迪斯高有傷紮住上

上季英超冠軍曼城開季表現冇乜霸氣，4戰只得2勝1和1負，賽績平平。開季狀態大勇嘅祖維迪打咗柴，加埋迪斯高亦因傷患困擾，即使今晚踢得亦只係紮住上，即係話入球重任落晒喺阿古路身上，佢樹大招風想搵食冇咁易。今晚就算曼城有主場之利都唔似會搵到車路士着數，一於撐下盤。
車仔攻「城」易入波

車路士射手迪亞高哥斯達頭4場英超場場有波入，獨取7球。

曼城箭頭阿古路對上12次主場出戰英超攻入10球。

「藍戰士」近9次英超作客曼城，只有2場入唔到波。
藍戰士專和硬嘢再追

車路士上季英超作客硬撼勁旅特別有計，對住利物浦、曼城、阿仙奴、熱刺同曼聯都唔使輸，全部受讓開晒「讓球客勝」，其中2場開埋讓球盤受讓平半嘅賽事，最終都和波收場，今場穩陣捧下盤之餘，進取啲不妨直敲3.25倍和波。