巴基斯坦和都出線 國足焗攻細乘騎虎

猪拉多纳

男子亞運足球F組，中國和巴基斯坦今晚上演生死戰，中國必須贏波才可取得出線權，可惜球隊缺乏強攻本錢，贏波有難度。巴基斯坦有主力前鋒文蘇亞卡漢停賽缺陣，喺和波可以晉級嘅大前提下，預計巴基斯坦亦會踢得較保守，今場最好捧2.55倍入球細。

（有線61及201台周一晚7時直播）

F組只有三支球隊，頭兩名可出線十六強，大超班嘅北韓兩戰兩勝已肯定首名晉級，由於中國失球比巴基斯坦多一球，所以今場一定要贏波才可取得次名出線，不過呢支中國隊攻不銳、守不穩，除咗外流葡萄牙嘅中場韓鵬飛稍具級數之外，前線常亞飛、楊超聲、馮剛質素只屬一般，就算國家隊以往對住巴基斯坦贏多輸少，心理上有些微優勢，但以目前人腳，今場都未必可輕言大勝。
巴軍主力停賽料更保守

巴基斯坦形勢上和波都出線，今仗根本唔使同你急，加上前鋒文蘇亞卡漢上場兩黃一紅被逐，今仗需要坐波監，冇咗呢名主力，預料巴基斯坦會踢得更保守。其實巴基斯坦上場對北韓守得唔錯，如果唔係臨完半場前輸掉一個十二碼，北韓應要花更大力氣才可全取三分。

論牌面中國係高啲，不過主Ｗ熱至1.09倍絕對唔抵玩，何況佢哋贏波已達標，贏一粒同贏兩粒根本冇分別，1.43倍讓球主勝亦唔值博，今場捧細盤最划算。
靈感女神莎拉是日亞足金「據」

(一)1 阿富汗男亞足 Vs 烏茲別克男亞足

阿富汗肯定無緣躋身淘汰賽

(一)4 中國男亞足 Vs 巴基斯坦男亞足

雙方首輪分組賽都冇波入

(一)7 中華台北女足 Vs 日本女足

衞冕日本首兩仗一球不失