巴塞雙王開火o趙爆馬拉加

猪拉多纳

美斯 尼馬勁弗

西甲開咧冇耐就開快車，馬拉加今晚主場對巴塞隆拿，唔值得冷敲。原本馬拉加簽入墨西哥門神奧祖亞，大家情感上可能會撐佢哋，可惜「Sam哥」上錯賊船根本冇得上陣，既然巴塞兩大天王美斯同尼馬勁弗，當然要撐1.8倍「讓球客勝」！

（now632台、TVB13周四凌晨4:00直播）

奧祖亞喺巴西世盃踢到上晒身，而且因為生得似影帝吳鎮宇，深得香港球迷歡迎。可惜吖，「Sam哥」好揀唔揀，選擇過檔過氣財主馬拉加，教練查維加西亞又唔知發咩癲，寧願用近年狀態大跌嘅喀麥隆門將卡文尼打正選，搞到奧祖亞1分鐘都冇得踢，我真係連唯一冷敲佢哋嘅理由都冇埋囉！
「Sam哥」上錯賊船卡文尼靠唔住

今季卡文尼已經失咗5球，包括作客對華倫西亞連失3粒，而且大家唔好忘記，卡文尼曾經長期効力巴塞嘅同市死對頭愛斯賓奴，巴塞球員見到佢肯定唔會腳下留情，相反會當正佢係箭靶咁瘋狂射門，要知道卡文尼今季至走番出雪櫃，今次佢再遇到美斯，隨時嚇到腳仔都軟埋呀！

巴塞方面，尼馬因為傷愈後狀態未足，頭3場聯賽都做後備，直至日前巴塞作客5球淨勝利雲特，佢終於打番正選先開紀錄，點知好衰唔衰佢又整親，被換離場嘅時候仲同軍醫嘈交。不過咁可以反映，尼馬真係好餓波，既然佢經過檢查後證實冇咩事，相信今場會繼續打正選搏命。
餓波尼馬 輕傷冇大礙

仲有呀，巴塞新教練安歷基好識玩車輪戰，佢喺歐聯對尼科西亞，同埋聯賽對利雲特大幅度改變正選陣容，應付西甲快車賽程，自然易贏得多。更何況，球王美斯開季5場已經有3個入球同6次助攻，全隊入12球有9粒同佢有關，你唔好理佢跑唔跑，總之有波入有助攻，就可以幫巴塞贏波啦！
Data King：馬拉加交手4連敗

‧巴塞新教練安歷基領軍開季5戰全勝，包括歐聯贏波。

‧巴塞連續5場保持不失。

‧馬拉加對賽4連敗，當中有3場至少失3球。
盤路解碼：巴塞今季5次開「讓球主客和」3次贏盤收錢。