攻防大戰 北韓贏氣細

猪拉多纳

鏗鏘玫瑰染「恐朝症」守字行先

中國男足「恐韓症」久治不愈，中國女足近7年一樣感染「恐朝症」，喺A級國際賽完全未贏過北韓，今日亞運女足8強開打，中國女足對住北韓成功偷雞機會甚微，頂籠博和靠12碼制敵，呢啲波玩吓1.54倍入球細算喇。

（有線61、201周五下午3:00直播）

唔經唔覺，原來褪色嘅「鏗鏘玫瑰」已經有7年時間，未試過响國際大賽擊敗北韓，舊年5月嘅永川四國邀請賽，無疑中國女足贏過對方1:0，但係嗰項只係友誼波，大家都抱住玩玩吓嘅練兵心態，唔作得準。事實上同年舉行嘅2013東亞盃，北韓响捧盃過程中就曾經小勝中國1球，令中國女足做埋包尾大幡，今次北韓參加亞運嘅班底，就係嗰班東亞盃功臣，仲要由舊年7月起就備戰到家陣，由實力到準備工夫都強過中國女足，你話擇唔擇使嘞？
埋門成功率僅4成 中國女足輸級數

當然，中國女足响分組賽第一場波逼和咗另一勁旅日本，可能畀到人一啲憧憬，但係北韓嘅體力同打法，都比日本硬朗，速度又快，唔會好似日本妹咁畀你踢得咁滋油，增加咗中國女足打突擊嘅難度，何況中國女足嘅埋門成功率比唔上日本同北韓嘅級數，只得40幾個巴仙，今場就更加難有波入。

既然入波難，北韓响仁川又等於有半個主場之利，得到唔少南韓球迷打氣，中國女足喺呢啲環境一定守字行先，呢種「XX波攻防戰」開細有乜出奇？
「靈感女神」莎拉提醒你：

「鏗鏘玫瑰」硬撼近3屆都殺入決賽嘅北韓，呢場大戰點可以錯過！