潛艇艦隊爆海上大戰

猪拉多纳

「三叉戟」「同花順」鬥發炮

今晚西甲有場好戲碼，由維拉利爾主場迎戰皇馬。「黃色潛艇」主場一向有料到，季初巴塞去到艾馬迪加球場都幾乎要擺低兩分，相信以杜斯山度士為首嘅「潛艇」攻擊鐵三角，今戰會同皇馬C朗、加里夫巴利同占士洛迪古斯等組成嘅「同花順」駁火，1.53倍入球大絕對係穩陣之選。（now632台周六晚10:00直播）

維拉利爾今季主場2勝1負，輸嗰場亦只係臨尾香完場前畀巴塞攻陷大門，雙方全場仲要互有攻守，維拉利爾演出一啲都唔失禮。由杜斯山度士、烏捷同卡尼合組嘅攻擊鐵三角夠晒侵略性，皇馬中前場冇錯係勁，弊在防守力麻麻，「潛艇」要攻破「艦隊」大門唔係天方夜譚。
皇馬近3戰入18球

畢竟皇馬近5場波都未試過保持清白身，擁躉成日鬧卡斯拿斯走下坡，查實張峰認為一班守將經常走甩人先最攞命，「聖卡斯」只係代罪羔羊。皇馬9月頭經歷連敗之後，近3仗都大炒對手兼且勁入18球，當中C朗就包辦咗8個「士哥」，就連占士洛迪古斯亦打起咗信心，今晚亦都唔愁冇波入，幾位球星每人省番粒都已經夠數開大。

考慮到皇馬近3場大勝嘅對手都唔算強，今戰撞正硬淨到不得了嘅維拉利爾，除咗入球大值博之外，2.35倍「讓球主勝」亦可以兼顧。