「阿希」無欲無求中門大開

猪拉多纳

瑞典超入最後直路，爭標及降班形勢漸趨明朗化，大家揀波前不妨研究各支球隊抱咩心態作賽。今晚有場阿維達貝治主場鬥希爾星堡，兩隊目前位列中游，真正「高不成、低不就」，同樣又有一名當弗射手壓陣，熱捧大盤最啱數。

（周二凌晨1時開賽）

今場兩支球隊阿維達貝治和希爾星堡分排聯賽榜第九及第十位，距離直接降班區至少十分，護級壓力不大，預料可放開懷抱互相搏拳。阿維達貝治近四戰三勝一和，狀態弗到漏，射手列卡度山度士頻有士哥，今仗可同已幫希爾星堡入咗十五個聯賽入球嘅艾卡姆大鬥射術，1.7倍大盤值得捧場。
凱沙特魯瓦齊歎上盤

德乙方面，紐倫堡主場出戰凱沙羅頓，紐倫堡不但連輸三仗共吞八蛋，中場普歷克更要坐波監，相反凱沙羅頓中場阿歷山大寧治連續兩場入波弗到震，有力反客為主作客開齋，小讓平半捧得過。最後法乙包尾大幡克萊蒙特主場迎戰二哥特魯瓦，前者有比迪奧爾、薛迪博賀尼及積基斯沙爾斯受傷，特魯瓦上場大勝尼奧特一洗兩連敗嘅頹風，今仗更有中堅連干卡路士刑滿復出，小讓平半捧上盤。