賓福特主場掃雷

猪拉多纳

大戶同散戶最大分別，係前者會通過各項數據、賽前消息及臨場調動，睇準時機至出手，甚少輕舉妄動，因此通常無寶不落。不過當然都有失手嘅時候，好似啱啱周三凌晨歐聯次輪分組賽，佢哋對同屬G組嘅兩場賽事，士砵亭對車路士及史浩克04對馬里博爾情有獨鍾，一早入定貨買晒兩場大盤，其中車仔嗰場仲有兩倍幾添，點知車仔只贏1比0，連埋史浩克04嗰場又係開細，今鋪真係全軍盡墨，好彩班大戶臨場冇繼續追大，如果唔係輸得仲甘。
侯城態曳讓唔起水晶宮

今晚心水推介係英冠賽事賓福特主場對雷丁。賓福特老闆係肥叔嘅世姪，呢位世姪叻仔兼做事有幹勁，喺佢英明領導下，賓軍今季衝上英冠，雖然升班後成績有啲飄忽，但呢班波一向靠主場搵食，今場撞正作客麻麻嘅雷丁，小讓平半都算合理，上盤值得捧場。

（周六晚10時開賽）

英超留意侯城主場火併水晶宮，「老虎」連盃賽在內已經五場不勝，防線錯漏百出，狀態曳到冇朋友，單憑主場之利，就要讓近六戰未輸過嘅水晶宮，實在離晒大譜，梗係撐下盤喇。

（now 624周六晚10時直播）
肥叔心水

漢諾威下盤、大

賀芬咸上盤

水晶宮下盤

般尼下盤、細

利物浦大

史篤城下盤

賓福特上盤

馬體會平手盤

華歷簡奴下盤、大

阿士東維拉下盤