QPR又到起筷時

猪拉多纳

揀波踢啱食就搶

嚟緊又輪到國際賽期，好多豪門球會唔想麾下球員因「太公波」踢殘，分分鐘喺今輪聯賽使出「絕招」，在穩操勝券下，忽然提早換走一啲主力，賽後號稱呢個拉親嗰個受傷，藉此逃避國家隊徵召，因此鍾意玩走地嘅球迷要加多留意，切勿窮追猛打。

今晚重量級大戰，梗係英超車路士主場火併阿仙奴，雖然車仔季初弗到漏油，但阿仙奴上周中歐聯大勝加拉塔沙雷，進攻組織水銀瀉地，呢類大戰臨場變數太多，往往好睇唔好賭，所以呢場睇波算數。反而肥叔睇中另一場唔多起眼嘅英超，就係韋斯咸主場對昆士柏流浪（QPR），雖然QPR淪為尾三，但韋斯咸連鬥兩大豪門利物浦及曼聯，1勝1負耗力唔少，未有咁快回到氣，就算有主場之利對QPR亦可勝不穩。

況且昆士柏流浪老帥夏利列納唔係傻嘅，明知對勁旅難搶分便採取放棄態度，留番啲力與同級球隊搏殺，之前逼和史篤城及僅負侯城等有辦你睇，今仗實同韋斯咸搏甩髀，QPR仲有得受讓半一咁筍，咪走寶呀！

（now 621周日晚11時15分直播）
熱刺恰慣修咸頓

至於較早時間開波嘅熱刺主場對修咸頓，熱刺幾日前喺歐霸盡遣副選留晒力，主帥普捷天奴首度倒戈亦熟晒路，修咸頓雖連勝六場弗到爆，但小心呢類打道氣嘅中型班獲利回吐，加上近四交手熱刺贏晒，小讓平半非常值博。

（now 622周日晚9時05分直播）