皇馬同花順火力全開 -2畢勝無歸！

猪拉多纳

近期火力大爆發嘅皇家馬德里，今晚會喺西甲主場撲擊畢爾包，「銀河艦隊」近況極佳，C朗拿度帶領嘅「同花順」攻擊線火力全開，近5仗瘋狂攻入嚇死人嘅22球，有咁強嘅火力「射」住，就算後防間唔中有甩漏都唔怕啦！今晚主場出擊，有力大炒狀態低迷嘅畢爾包，-2照捧2.22倍「讓球主勝」！

（now632台周一凌晨3:00直播）

皇馬上周中歐聯作客2:1險勝盧多格德斯，保持近5仗全勝強勢，王牌球星C朗更連續6場有「士哥」，腳風順到不得了。雖然周中一戰C朗被對手特別招呼，搞到足踝受輕傷，不過經檢查後話情況唔算嚴重，今晚可以上陣搏殺。C朗近排入波入到停唔到，只要佢落場咧住條「同花順」，「士哥」真係手到拿來。
C朗輕傷無礙披甲

其實即使C朗就住踢，皇馬嘅攻擊層面依然極廣，加里夫巴利改踢前鋒後頻頻有波入，占士洛迪古斯同莫迪歷後上助攻都有斬獲，後備席仲有「小豌豆」查維亞靴南迪斯隨時候命，呢位射手上陣時間雖然唔算多，但已經交出兩個入波，畢爾包今戰來訪輸3、4球閒閒哋。
畢爾包6戰不勝

歐聯係中型班夢寐以求嘅舞台，但同時亦可能係佢哋嘅墳墓。畢爾包連埋上周中歐聯1:2輸畀巴迪在內已經6戰不勝，聯賽亦僅多榜尾科爾多瓦1分，雙線作戰對佢哋造成嘅影響都咪話唔細。上季畢爾包進攻悅目兼且效率高，不過近6仗全隊只得阿度里斯入過兩球咁大把，板櫈深度唔夠係鐵一般嘅事實，今晚作客巴拿貝球場，相信好難頂得住狀態大勇嘅皇馬！