谷草1800吼鄭雨滇

不死鸟

昨文講過谷草一哩排位好與壞及早段取位好緊要，而稍長的1800米檔位影響較少，因馬群出閘要跑一段路才入第一個彎，有較充裕時間畀騎師搵位，翻查過去一季舉行谷草1800米只進行過26次，而跑同程最威?騎師係韋達共贏?5場，勝出率佔23%獨佔鰲頭，而上名率更高達50%。但以冠軍騎師?技術及線路廣闊，成績好係理所當然，但睇番這3匹頭馬皆來自霍利時馬房，分別係「怡勝」2W及「超勇駿」1W，而前駒係上季贏咗4W嘅超級馬，如果單計韋達響谷草1800米?上名率實質係偏少。
其實跑谷草1800米亦唔好睇少華將，當中10場馬是由本地騎師取得，分別有鄭雨滇3W、梁家俊2W、賴維銘2W、梁明偉、蔡明紹及楊明綸各1W。華將之中贏得最多係鄭雨滇，計勝出率14%，而上名率佔33%，頭馬包括「天鷹」、「全勝福星」及「開心錢」，這3匹頭馬?跑法都係比較跟前。所以來季遇見鄭雨滇跑谷草1800米，而且座騎屬前置型跑法，更值得優先考慮。