正旋新季贏到你唔信

不死鸟

蔡約翰練馬功力確出神入化，難贏?馬在他手上，可化腐朽為神奇，有質素兼質新的話，更加厲害，隨時贏到你唔信，上季經典例子係「紅衣司令」，可以一口氣連下四城，由此可見，只要有好馬在他手上，便可使馬匹潛能盡發，而今次所講此?房有匹質素不弱馬係「正旋」（上圖），筆者預計此馬今季成熟後必可扶搖直上。
「正旋」上季只出賽過2次在泥地1200米，首戰原本列後備，但排位後，因該場正選馬「翡翠舞士」不良於行退出，形成牠可以補出上陣，而該役用柏寶操刀，練者叫柏寶將牠放頭跑，諗住一放了事當試一課大閘，點不知陣中走來虎虎生威，竟然唔斷走回一席第三，呢仗所見馬匹毫無狀態，但走來段段有，素知泥地賽耗力甚多，但牠竟有如此出色表現，反映其鬥心強。
素知蔡約翰很少將3歲幼齡馬安排上陣，除非此類馬係早熟兼有質，他才會派牠參戰，而「正旋」被安排在季尾時段上陣，練者用意旨在給予牠實戰經驗，然後於暑期再作出操練部署，配合進度於季初爭功，而牠經過兩場實戰經驗後，馬匹應該唔會有怯場之慮，上季已做好基本工序，今季只要做足操練工夫，再加上神仙蔡的悉心部署，呢匹佳駟無論出爭草地抑或泥地1200米，隨時贏到你唔信，筆者估計起碼有三場頭馬見面。