多倫多戴拿模做大騷

猪拉多纳

美職開始步入尾聲，唔少球隊都要為趕搭季後賽尾班車而戰。聽朝就由2支東岸「趕車」球隊對決，FC多倫多主場迎擊侯斯頓戴拿模。雙方都想贏波保持入季後賽希望，龍爭虎鬥睇怕在所難免，1.7倍入球大相信係最佳選擇。

（開賽時間：周四早上7:30）

FC多倫多暫時落後打多場、排喺東岸第5位嘅哥倫布機員3分，多倫多今場贏波唔單止可以繼續進逼機員，仲有權挑戰前列位置，爭取季後賽更多優勢，點到佢哋唔搏？球隊仲收到好消息，就係射手迪科爾上仗已經復出，經過一輪比賽後狀況得以提升，今仗隨時重拾勇態幫手數胡！

另邊廂嘅侯斯頓戴拿模就更加需要呢3分，佢哋暫時落後打多場嘅機員7分，只有贏波先可以保持一絲季後賽希望，和波都同宣布球季提早結束冇咩分別。睇番佢哋近6場僅1敗嘅走勢，就知班波冇放棄過任何搶分機會，加埋前鋒韋爾布恩經已復操，呢鋪就算作客都搶攻無誤。既然兩邊都冇縮嘅理由，入波自然唔會少得去邊啦。