洛賓回歸-3冇有怕 捧荷蘭「讓主」笑哈「哈」

猪拉多纳

荷蘭一向都係「外圍賽之王」，但早前喺歐國盃外圍賽A組作客輸畀捷克乜面都冇晒。今晚佢哋返到主場對住未入流嘅哈薩克，仲唔盡力大勝一場向球迷謝罪咩？「橙衣軍團」今場讓3球，考慮到對手實力差幾班波，一於照捧2.2倍「讓主」！

（有線61及201周六凌晨2:45直播）
?希丁克Order要開齋 哈薩克唔夠班難捱

希丁克自1998年之後，今夏再掌荷蘭帥印，可惜「橙軍」喺佢麾下首戰友賽先吞意大利兩蛋，到歐國盃外圍賽首輪對捷克又輸1:2，一上場就兩連敗認真羞家。荷蘭一向都喺外圍賽表現超勁，難怪希丁克已經落咗Order今場唔可以再有任何閃失。今場「橙軍」有洛賓回歸，呢位上輪因傷缺陣嘅拜仁翼鋒，喺上周六拜仁4球大炒漢諾威場波梅開二度，足證狀態重返Top Fit水平。

對手哈薩克雖然首戰守和拉脫維亞，可惜今場對住有洛賓、尹佩斯、史奈達等好波之人嘅「橙衣軍團」，實力足足輸幾條街，睇怕今場都難逃大敗，2.2倍「讓主」值得捧場。
歐國盃A組