勝利西悉尼 鋒力大爆發

猪拉多纳

今個星期焦點固然係國際賽，不過大家都咪忽略喺南半球嘅澳洲，新一季嘅「澳職」今日開咧啦！今日揭幕戰戲碼都唔弱，季前大舉擴軍嘅墨爾本勝利主場迎戰上季亞軍西悉尼流浪者，由於兩隊鋒力都有番咁上下，睇嚟將會整番場1.83倍入球大，響頭炮！

（有線64、203周五下午4:40直播）

澳職今季踏入第10個球季，亦引入咗一啲新意思，其中前身係「墨爾本雄心」嘅「墨爾本城」大展拳腳，借咗西班牙射手韋拿過嚟，亦都有前愛爾蘭國家隊隊長杜夫加盟，絕對吸睛啦！
勝利季前瘋狂增兵

都係先講返開鑼戰「勝利」對「西悉」先。「勝利」季前瘋狂買人，先後簽入貝利沙、卡爾華拿里、迪比亞、格奧爾基耶夫斯基同賓卡法拿等星級球員，依家已經被捧為今季其中一支爭標熱門。尤其阿爾巴尼亞射手貝利沙之前喺澳職踢76場入咗48球，有佢押陣，絕對係入波保證，勝利大可放心。

作客嘅「西悉」踢完今場之後，就會轉戰亞洲冠軍球會盃決賽，爭取成為第一隊稱霸亞洲嘅澳職球隊，好自然想呢場贏波振一振士氣先啦！由於「勝利」同「西悉」都有強大入球能力，試問呢場又點會唔係一場「大」戰呢？

澳職開鑼第1個禮拜，我哋球彩台一共直播3場，所以我亦好期待聽日中岸水手對威靈頓鳳凰，同埋FC悉尼對墨爾本城嗰兩場直播。消息話韋拿狀態夠「弗」，應該可以即刻幫墨爾本城上陣。以佢嘅級數同入球能力，又有前愛爾蘭翼鋒杜夫幫手，只要無病無傷，好大機會可以攞到佢喺澳職嘅「士哥」！
頂占筍盤：墨爾本勝利（入球大）