塞內加爾防守好夠頂有突

猪拉多纳

雖然非洲目前飽受伊波拉病毒肆虐，但非洲國家盃外圍賽仍繼續舉行，其中G組上演榜首大戰，突尼西亞主場迎戰塞內加爾，兩隊同得7分，塞內加爾暫以較佳得失球力壓對手，雖然球隊傷兵滿營，但賽前收到好消息，就係主力射手丹巴巴亞復出，再加上塞軍防守強，今場有望立於不敗之地，讓球客勝值得捧場。

（TVB 302周四凌晨3時15分直播）

今場雙方五日前先對戰過，結果打和0比0。突尼西亞今場有地利，但客軍塞內加爾計埋其他賽事，已經連續8仗冇輸過，喺分組賽4戰更係一球不失，今場佢哋雖然仍有前鋒蘇維同中場沙利夫辛尼缺陣，但防中麥保積同孭飛前鋒丹巴巴亞傷愈，攻守能力都比上場更佳，突尼西亞要贏唔係咁易，塞內加爾受讓值捧。
南非慣咗慢熱吼半和

至於較早時間開波嘅A組賽事，南非主場對剛果，南非喺非洲嘅攻守能力屬於頂級，不過就略嫌慢熱，近3場外圍賽上半場都冇波入，結果3場都開出半場和，而落後榜首南非1分嘅剛果今場作客冇需要急於搶攻求勝，首要目標係保持不敗，估計會以穩陣行先，半場和值得一博。

（TVB 301周四凌晨2時05分直播）