貝迪斯「高」半班贏波唔難

猪拉多纳

主將留隊 火力Keep得住

今晚西班牙盃會上演第3圈賽事，雖然仲未有西甲兵出戰，但亦有唔少香港球迷熟悉嘅球隊亮相，好似今季跌落西乙嘅貝迪斯，就會喺主場恭候同屬西乙嘅盧高。貝迪斯喺降班並冇賣走大量主力，實力有番咁上下，加上盧高作客戰績唔多掂，此消彼長一於捧1.62倍主勝。

（開賽時間：周四凌晨4:00）
盧高作客唔掂等劏

「爛船都有三斤釘」，貝迪斯雖然降咗班落乙組，幸好並冇出現大規模逃亡潮，包括前鋒佐治摩連拿、中場馬迪拿、魯賓卡斯度等主力繼續留效，難怪佢哋開季9戰入13球，仲Keep到唔錯嘅攻擊力，其中魯賓卡斯度轟入咗7球狀態大勇，睇怕盧高班守將都幾難頂得佢住？況且呢啲一場定生死嘅盃賽，有主場球迷打氣始終係一大優勢，睇番貝迪斯今季主場戰績唔差，近5戰主場贏3場，今仗自然值得秤先。

對手盧高目前喺西乙排第9，齋睇排名仲算係不過不失，但要留意呢班波作客勁水皮，跨季近10場作客僅得1勝，而且只係入得4球咁大把，10戰有7場食白果，明顯離開自己地頭就唔識入波，今場對住牌面贏晒佢哋嘅貝迪斯，睇怕盧高想守住失少啲波都唔係易事。

西班牙盃賽制：今輪為西班牙盃第3圈。比賽一場分勝負，若90分鐘內打和，則加時再戰，再和互射12碼定輸贏。

南美球會盃、巴西盃賽制：今輪為南美球會盃16強、巴西盃8強次回合比賽，賽事採用主客兩回合制。若總比數賽和，先計算作客入球優惠，再和則於次回合90分鐘後即射12碼分勝負。