黎海榮泥地千八稱冠

不死鸟

至於泥地1800米向來每季所跑的次數都唔多，就以上季為例只有5次跑此程紀錄，可見此項路程非主流，其實基數太少好難作準，不過翻查上季跑泥地1800戰果，結果最叻的騎師係黎海榮，共取1冠1亞，勝出率為25%，上名率高達50%，成績算是最為突出。
翻查上季黎海榮贏泥地1800米一役，是策騎蔡約翰馬房的「活威小子」（圖）；而入Q的一次，是策何良馬房的「全德威」，前駒上季大熟大勇，在總場次669場，鞍上人黎海榮一直貼住內欄走，沿途一步不蝕，末段先移出中檔打衝鋒，雖然埋門險勝「乘風破浪」，但對於策騎一匹獨贏只得4.4倍?處女馬，走位相當出色，可見此子甚有場地智慧。
上季黎海榮總共累積了29冠31亞32季成績，壓倒過不少好手如普萊西、冼毅力等，在本地騎師中只落後於蔡明紹及本地一哥鄭雨滇，成績已算十分出色，來季黎海榮只要保持水準，極有機會突破30場大關。