華倫強搶拉科進補

猪拉多纳

脫貧翻生加入爭標俱樂部

西甲今季競爭異常激烈，由以往皇馬、巴塞嘅「西超」，到上季馬體會跑出形成「三強鼎立」，再到現時華倫西亞、西維爾亦搶埋一份，爭標變數更大。季前曾訪港嘅華倫西亞最令人驚喜，球會擺脫財困之後，愈來愈上力，新人亦開始成功接班，充滿活力，今晚作客讓包尾嘅拉科魯尼亞半一，上盤仍然可取。

（now 632周日晚11時直播）

華倫西亞十年前屬於西甲冠軍級勁旅，但因為財政問題，被迫出售主力，搞到沉淪多時。近年獲亞洲富團注資，表現穩步上揚，今季踏入收成期，有力挑戰皇馬、巴塞、馬體會。事實上，華倫好有馬體會影子，防守穩健，反擊高效率，21歲嘅青訓產品柏高艾卡沙大熟大勇，唔止踢西甲出色，早前為西班牙上陣出戰歐國盃外圍賽，表現亦好搶眼，令人想起當年嘅韋拿。華倫仲有多位廿歲出頭嘅球員，初生之犢不畏虎，衝勁十足，球隊踢得咁順，當然要再追。

拉科魯尼亞今季升番上西甲，明顯未夠班，對強隊時只能任由對手宰割，包括2比8輸畀皇馬，1比4不敵西維爾，絕對唔係華倫對手。
巴勒莫未開齋追住反

另一場西甲，維拉利爾主場對艾美利亞，雙方級數接近，艾美利亞受讓球半，必捧下盤。意甲方面，巴勒莫水準好差，今季聯賽未贏過，主場絕對讓唔起切塞納。