西甲：華倫弗爆作客照o趙拉科

猪拉多纳

（日）39拉科魯尼亞 Vs 華倫西亞

歐戰常客華倫西亞上季排得第8位，搞到今季無緣歐洲賽。今季佢哋捲土重來，誓要重奪歐戰入場券，今晚作客包尾大幡拉科魯尼亞梗係要支持，撐1.68倍客勝。

（now632台周日晚11:00直播）

華倫上仗喺主場用咗唔夠15分鐘，已經3度攻破衞冕冠軍馬體會大門，埋單計贏3:1，延續開季7場不敗佳績，可見球隊狀態Fit到漏。雖然前鋒尼格度續抖，好在球隊火力夠分散，至今已經有10個人開齋入波，對手唔係咁易守得住。再者，守將梅斯達菲、荷西加耶、奧達文迪經已復操，球隊冇後顧之憂更可以盡情搶攻，足夠作客K.O.連輸4場兼做埋西甲失球王嘅拉科。