愛華頓復甦唔驚里

猪拉多纳

今晚輪到歐霸盃做主角，H組由英超球隊愛華頓作客法國球會里爾。兩隊今季同樣表現滑落，不過「拖肥糖」勝在陣中傷兵陸續復出，兼且上仗英超大勝阿士東維拉止血，計落點都比持續頹勢嘅里爾優勝，受讓平半下梗係支持1.76倍下盤。

（有線61及201、廣東體育周五凌晨1:00直播）

里爾今季表現跌Watt，至今未見有任何起色，上仗仲要喺主場輸畀榜尾球隊甘岡1:2，近7戰先贏得1場咁大把，表現咁頹仲點捧得落手？
里爾近7戰僅1勝

況且里爾攻力麻麻，近6場先入得3粒，最慘係近期仲盛傳利物浦有意喺出年1月召回借將奧歷治，儘管里爾總監雲達美講明唔多願意交還呢位主力射手，奧歷治亦表明呢刻只會專心比賽，但相信呢啲傳聞點都會影響呢位19歲小將，一旦佢集中唔到精神迎戰，里爾真係唔知搵得邊個幫手入波囉。

另邊廂嘅愛華頓，冇咗上季咁Sharp醒，某程度上因為季初受到傷兵問題困擾，好在中場巴克里、右閘史密斯高文已先後復出，上仗仲分別交出助攻同入球協助「拖肥糖」大勝維拉3:0，證明佢哋狀態已經返晒嚟。今晚無論派出盧卡古定伊度奧攻堅，都唔使驚冇「餐士」。另外領隊馬天尼斯上仗改派中堅艾卡拉斯打正選，結果保住球隊今季第2次清白身，既然「拖肥糖」攻守皆有改善，今仗自然值得秤先。

歐霸盃H組