高路斯撻着乘勢發維 拉素上盤食得出

猪拉多纳

意甲周中壓軸戰，近期翻生嘅拉素作客維羅納。「藍鷹」拉素再度起飛，唔經唔覺已連贏四場，德國老將高路斯上仗更成功開齋入波，加上另一位射手菲臘佐積域狀態大勇，鋒線火力十足。反觀維羅納防線穿晒窿，近兩仗共失九球，抵擋唔住當起嘅拉素。今場拉素僅小讓平半，上盤抵玩。

（TVB 301周五凌晨3時45分直播）

拉素開季頭四場聯賽輸三場，但經過調整後，演出愈來愈好，依家更取得四連勝。前鋒菲臘佐積域近四仗轟入五球，成為球隊復甦最大功臣。呢位塞爾維亞射手今季加盟拉素初期，表現一度未如理想，但經過一段時間磨合，已融入球隊，令拉素重現投X價值。
東尼跌Watt連累維羅納

維羅納走勢剛好相反，季初係威係勢，但最近走晒樣；特別係上仗對拿玻里，即使迅速打開紀錄，不過之後倒輸轉頭，最終慘敗2比6，踢到無厘鬥志。上季為維羅納攻入二十球嘅東尼，畢竟已經37歲，今季表現明顯力有不逮，加上成為對手防守目標嘜到實，至今只射入一球12碼。維羅納現時攻不銳、守不穩，睇怕難望短期內可以翻身，主場受讓都要唔過，一於捧拉素上盤。